Apane dil ki baat kare ham

Apane dil ki baat kare ham,

Yu to jyada nahi bas itani si farmaaish hai,

Aapse umra bhar pyaar ki khwaaish hai,

Maaf kar deejiye agar bhool ho jaaye hamse,

Ehsaan aapka hoga jo hamara pyaar aapko kubool ho.

Naa khwaabo me dekha

Naa khwaabo me dekha, na najaaro me dekha,

Hajaaro me hamane sirf tum hi ko dekha,

Gam dene waale bahut hai yaha,

Hamane tumhe khushiyo ki bahaaro me dekhaa.

Tujhe kasam hai pyaar ki

Tujhe kasam hai pyaar ki,

Aise na mujhako saza de,

Khaali hai bottel to kya,

Mujhe aakhon se thodi pila de.

Pyaar ka ijahaar kar du

Pyaar ka ijahaar kar du,

Ab hamase nahi raha jaata,

Likhkar hi ikaraar kar lo,

Agar hotho par nahi aata.

Nigahon mein aur koi dosti ke kabil nahi raha

Nigahon mein aur koi dosti ke kabil nahi raha

Is kinare ka aur koi sahil nahi raha

Chand jaisa dost mila hai humein

Zameen par uss jaisa aur koi nahi raha.

Khat to unhe likha

Khat to unhe likha jaata hai jo kisi manjil par ho,

Ham aapko khat kaise likhe,

Aap to hamaare dil me ho.

Naam saanso pe

Naam saanso pe likha hai aapka,

Zindagi meri tohfa hai aapka,

Dil me dhadkan hai aapke naam ki,

Na jaane kya rishta hai mera aapka.

Kitne sapne baaki

Kitne sapne baaki hai,

Kitni baate baaki hai,

Naam tumhaare likh de,

Jitani saanse baaki hai.

Tanhaai vo bimari

Tanhaai vo bimari hai,

Jisaka doctor ke paas ilaaj nahi,

Ham is beemaari se bach sakte hai,

Agar shaadi se tumhe inkaar nahi.

Ye unaki khubiyo

Ye unaki khubiyo ka asar hai,

Jo vo itane achhe lagate hai,

Jab vo kahte hai ki vaada hai mera,

Jhuthe vaade bhi sache lagate hai.

Agar tum akela

Agar tum akela mahsoos karo,

To main tumhaari chhaya banuga,

Agar tum rona chaaho, to main tumhaara kandha banuga,

Aur agar tum gale lagna chaho,

To main tumhara takiya banuga.

Mere marne ke baad

Mere marne ke baad aap kisi ki ho,

Aapko poori choot hai,

Ham dil se chaahte hai tumhe,

Isme bhi nahi jhooth hai.

Tum ruthati raho

Tum ruthati raho aur, ham tumhe manaate rahe,

Bas yu hi hasi-khushi se,

Zindagi bitaate rahe.

Phulo ko bhauro se

Phulo ko bhauro se,

Bahaaro ko gulashano se,

Chand ko chandani se, jis tarah pyaar rahta hai,

Kaise bataau tujhe e mere hardam,

Mera dil sirf aap me laga rahta hai.

Aaj mera dil kyon

Aaj mera dil kyon udaas hai,

Na jaane isko kiski aas hai,

Aaj muddat ke baad aisi koi,

Dil me jagi nayi pyaas hai.

Mein khat likhu

Mein khat likhu to uska,

Sanam tu jawaab dena,

Mere khat me tum ye,

Pyaar ka apnapan jodana.

Badi muddat se

Badi muddat se chaaha hai tujhe,

Badi duaao se paaya hai tujhe,

Tujhe bhulane ki sochu bhi to kaise,

Kismat ki lakiro se churaya hai tujhe.

Kabhi to meri bhi

Kabhi to meri bhi baat,

Maan jaaiye hujoor,

Itna apne aashiq ko,

Na tadapaiye hujoor.

Phool me khushboo

Phool me khushboo rahta hai,

Seep me moti rahti hai,

Tera mera hoga milan,

Dharti se ambar kahti hai.

Chori-chori,

Chori-chori, chupke-chupke,

Tera deedaar karate hai,

Tujhe maloom nahi magar ham,

Tujhse pyaar karate hai.