Pyaar ki raaho

Pyaar ki raaho ka hota hai kathin safar,

Dil ki duaa me hota hai bahut asar...

Yadi chalna hai to dil se chal,

Kyonki dimaag kar deta hai use beasar...

Javani ko zindagi

Javani ko zindagi ka nikhaar kahate hai,

Patjhad ko chaman ka majhandhar kahate hai...

Ajeeb chalan hai duniya ka yaaro,

Ek dhokha hai jise sab pyaar kahate hai...

Raat ko raat ka

Raat ko raat ka tohfaa nahi dete,

Dil ko jazbaat ka tohfaa nahi dete,

Ham aapko chand bhi de dete lekin,

Chand ko chand ka tohfaa nahi dete...

Ab kya kahu

Ab kya kahu tumse,

Agar kuch kahana hai to,

Sirf itna ki maine pyaar kiya,

Ab nahi raha jaata, kah do na pyaar hai.

Aapki zindagi me

Aapki zindagi me kabhi koi gam na ho,

Aapki aakhen kabhi aansu se nam na ho,

Aapko mile zindagi me har khushi,

Bhale hi us khushi me ham ho na ho.

Aapke baare me

Aapke baare me ham kya kahe,

Jo bhi kahe vo kam hoga,

Par aisa vaisa kuch kah diya,

To uska bhi hame gam hoga.

Aankh to pyaar me

Aankh to pyaar me dil kee jubaan hoti hai,

Sachi chahat to sada bejubaan hoti hai,

Pyaar me dard bhi mile to kya ghabrana,

Suna hai dard se chaahat javaan hoti hai.

Aakhon ke saamne

Aakhon ke saamne hardam aapko paaya hai,

Dil me bhi aapko hi basaya hai,

Aapke bin ham jiyenge kaise,

Bhala jaan bina bhi koi jee paaya hai.

Aur abhi cheeje

Aur abhi cheeje bahut-si lut chuki hai

Dil ke saath,

Ye bataya dosto ne ishq farmaane ke baad,

Ab kamare ki ek-ek-cheej check karta hu mai,

Ek tere aane se pahle, ek tere jaane ke baad.

Paane se khone

Paane se khone ka mazaa aur hai,

Band aakhon se dekhane ka mazaa aur hai,

Aansu bane lafz aur lafz bane gazal,

Teri yaado ke saath jeene ka mazaa kuch aur hai.

Dete ho kyon ye

Dete ho kyon ye dard bas ham hi ko?

Kya samajhoge tum in aakhon ki nami ko...?

Yu to honge laakho deewaane is chand ke,

Chand kyo mahsoos karega ek taare ki kami ko...

Bheegi palako ke

Bheegi palako ke sang muskuraate the ham,

Pal-pal dil ko bahlaate the ham...

Vo door the hamse to kya hua,

Unhe yaad rakhne ke liye hi to bhulate the ham...

Anjaane me dil

Anjaane me dil ganva baithe, is pyaar me,

Kaise dhokha kha baithe... unase kya gila kare,

Bhool hamaari thi, jo bina dil vaalo se,

Dil laga baithe.

Roothkar tum mujhe

Roothkar tum mujhe bhulaane lage,

Itane door huye ki bahut yaad aane lage,

Kaise bhulaau tumhe ek pal me,

Jab tumhe paane me mujhe jamaane lage.

Pal bhar me tut

Pal bhar me tut jaaye vo kasam nahi,

Aapko bhool jaaye vo ham nahi,

Tum hame bhool jaao is baat me dam nahi,

Kyonki tum hame bhool jaao itane bure ham nahi.

Dil cheer ke

Dil cheer ke dekh lo mera, tasveer usi ki hogi,

Kabhi hile agar is dil ka darvaja,

To aahat uski hi hogi.

Sabko dost banaane

Sabko dost banaane ki aadat hai hame,

Apni alag pahchaan banaane ki aadat hai hame,

Kitna bhi gahara jakhm de koi,

Utna hi jyada muskarane ki aadat hai hame.

Aapke khyaalo se

Aapke khyaalo se fursat nahi milati,

Hame ek pal ki raahat nahi milati,

Mil to jaati hai saans kuch,

Bas aapki ek jhalak nahi milati.

Na kabhi ye Chupana

Na kabhi ye Chupana ki pyaar kitna hai,

Na kabhi yi jataya ki dard kitna hai,

Bas ek hame aur us khuda ko maaloom hai,

Ki aapse mulakat ka intazaar kitna hai.

Dhundh lo koi tumhe

Dhundh lo koi tumhe mil hi jaayega,

Magar hamaari tarah pyaar tumhe kaun kar
payega,

Mumkin hai chaahat ki nazar se koi dekh le tumhe,

Par aakhen hamaari kahaa se paayega.

Kalam uthai lafz

Kalam uthai lafz nahi mila,

Jisko dhund rahe hai vo shakhs naho mila,

Firte hai vo jamaane ki talaash me,

Bas hamaare liye unhe vakt nahi milata.

Teri dosti me ek

Teri dosti me ek nasha hai,

Tabhi to ye duniya ham se khafa hai,

Na karo hamse itani dosti,

Ki dil hi hamse puche teri dhadkan kaha hai.

Tere aane kaa

Tere aane kaa khyaal acha hai,

Ummeed ka ye jaal acha hai,

Unse pucha kya hua aane ka,

Muskura ke vo bole savaal acha hai.

Aasmaan ne baadal

Aasmaan ne baadal se kaha,

Sooraj ne kirano se kaha,

Havaao ne patto se kaha,

Aur maine tumse kaha... chal chal hava aane de.

Dosti nazaro se

Dosti nazaro se ho to use kudarat kahate hai,

Sitaro se ho to use zannat kahate hai,

Husna se ho to use mohabbat kahate hai,

Aur dosti aapse ho to use kismat kahate hai.

Mushkil dil ke

Mushkil dil ke iraade aajmaayengi,

Khwaabon ke parde nigaaho se hatayegi,

Girkar tu hausla mat khona dost,

Ye Thokare hi tujhe chalna sikhaayegi.

Geet ki jaroorat

Geet ki jaroorat mahfil me hoti hai,

Pyaar ki jaroorat dil me hoti hai,

Bin dost ke adhoori hai ye zindagi,

Kyonki dost ki jaroorat har pal mahsoos hoti hai.

Dharaye bahti

Dharaye bahti hai to bhanvaar uthate hai,

Jahaa tumhe mushkil hoti hai vaha ham hote hai.

Ishq-mohabbat to

Ishq-mohabbat to hazaaro karate hai,

Gam-e-judaai se vo sabhi darate hai,

Ham na ishq karate hai, na mohabbat karate hai,

Bas aap jaise dosto pe marate hai.

Kal hamaare aangan

Kal hamaare aangan me chaand utra,

Sitaro ko ganvara na tha,

Ham to sitaaro se bhi bagavat kar lete,

Par kya kare chand hi hamara na tha.

Dosti ka paigaam

Dosti ka paigaam jo aapka mila,

Dil ho gaya khush mit gaye saare gila,

Kisi dost ko nahi mila hoga,

Dosti ka aisa sila, ki saare gam hoyenge door mere,

Jab dosto ke pyaar ka nazraana mila.

Duniya ka har

Duniya ka har shaukh pala nahi jata,

Kaanch ke khilono ko yu uchala nahi jata,

Mehnat karne se mushkil ho jaati hai aasaan,

Har kaam takdeer par tala nahi jata.

Jab kabhi aapko

Jab kabhi aapko koi gam sataaye,

Koi baat dil ko na bhaaye,

Aakhen saagar Chalkaaye, yaad karke dekhna hame,

Kya pata ek aansu kam ho jaaye.

Ummeedo ki shamaa

Ummeedo ki shamaa me mat jalana,

Is jahaa se alag duniya mat basana,

Aaj mood me tha to yaad kar diya,

Par roz intazaar me palake mat bichana...

Dard me koi mausam

Dard me koi mausam pyara nahi hota,

Dil ho pyasa to paani se gujaara nahi hota,

Dekhe jara koi bebasi hamaari,

Ham uske ho jaate hai jo hamaara nahi hota.

Koi ho baat na

Koi ho baat na dil se lagaana,

Agar apna samjho to hi batana,

Bhool ho hamse, to samajhana,

Samjho jo to dil se jatana,

Ki hai dosti to dil se nibhana.

Khud pe bharosa

Khud pe bharosa hai, to khuda tere saath hai,

Apno pe bharosa hai, to har dua saath hai.

Zindagee se kabhi mat ladnaa ai dost!

Jab tak ye dost tere saath hai.

Aapki ek muskurahat

Aapki ek muskurahat ne hamaare hosh udaa diye...

Aapki ek muskurahat ne hamaare hosh udaa diye...

Ham hosh me aane hi vaale the...

Ki aap phir se muskara diye.

Khuda ki banaai

Khuda ki banaai kudrat nahi dekhi,

Dilo me Chupi daulat nahi dekhi,

Jo kahate hai ki dooriyo se mit jaati hai dosti,

Usane shaayad hamaari dosti nahi dekhi.

Yaad tumhaari na aaye

Yaad tumhaari na aaye aisa ham hone nahi denge,

Dost tumhaare jaisa ham khone nahi denge,

Ek-do SMS karate rahana,

Varna saari raat tumhe ham sone nahi denge.

Inkaar vo karte

Inkaar vo karte hai ikaraar ke liye,

Nafarat bhi karte hai to pyaar ke liye...

Ulti chaal chalte hai ishq karne waale,

Aakhen band karate hai deedaar ke liye.

Hotho pe hansi

Hotho pe hansi, aakhon me khushi,

Gam ka kahi naam na ho,

Aapke liye har pal le aaye itani khushi,

Jiski kabhi shaam na ho.

Kisi dhadkate hue

Kisi dhadkate hue dil ke peeche, zaroor koi baat hoti hai,

Kisi udaas chehare ke peeche, kisi ki yaad hoti hai,

Aapko pata ho na ho aapki khushi ke peeche,

Hamaari dua hoti hai.

Dosti ke maayane

Dosti ke maayane hamse kya puchate ho,

Ham abhi in baato se anjaan hai...

Bas ek gujaarish hai ki bhool na jaana hame,

Kyonki aapki dosti hi hamaari jaan hai.

Aaj kuch yaad

Aaj kuch yaad kar raha hai dil,

Kisi ki fariyaad kar raha hai dil,

Chupke se kah diya dhadkano ne ki,

Tujhe hi yaad kar raha hai dil.

Jaroori nahi dosto

Jaroori nahi dosto me baat hoti rahe,

Jaroori nahi ki dosto me mulaakaat hoti rahe,

Jaroori hai bas dost jahaa bhi rahe,

Use hamaari yaad aati rahe.

Kabhi to sab jaane

Kabhi to sab jaane-pahchaane lagte hai,

Kabhi to apne bhi begane lagte hai...

Vo hame Chod gaye to ehsaas hua,

Kabhi-kabhi kisi ko samajhane me jamaane lagte hai.