Koi itana chaahe

Koi itana chaahe tumhe to bataana,

Koi itana palko pe bithaye to bataana,

Pyaar kar to lega har koi,

Par koi meri tarah nibhaaye to bataana.

Tanhaai pyaar me

Tanhaai pyaar me, barbaadi hai pyaar me,

Aasoo hai pyaar me, bebasi hai pyaar me,

gam hai pyaar me, hame sab pata hai lekin kya kare,

Ham bhi hai pyaar me.

Pyaar ke ujaale

Pyaar ke ujaale me gam ka andhera aata kyu hai,

Jisko ham chaahe vahi rulata kyu hai,

Agar vo mera naseeb nahi,

To khuda aise logo se milata kyu hai.

Hawa me bindaas

Hawa me bindaas ud raha tha gaalib,

Hawa me betaab ud raha tha gaalib,

Hawa me azaad ud raha tha gaalib,

Phir kya...ruk gai hawa,

Gir gaya gaalib.

Phulon se hasna

Phulon se hasna, jhulon se jhulna,

Koi doosra dost mile, to hame bhulaana,

Dost ek afsana hai, bhool gaye to sapna hai,

Yaad kiya to apna hai.

Bikhare ashkon ke

Bikhare ashkon ke moti ham piro na sake,

Teri yaad me saari raat so na sake,

Bheeg na jaaye aasoo me tasveer teri,

Bas ye hi sochkar ham ro na sake.

Baat rakhi dil

Baat rakhi dil me kah na sake,

Yaad kiya aapko to saans le na sake,

Pucha kisi ne dil se ki tune pyaar kisse kiya,

Jaante the, phir bhi tumhara naam le na sake.

Aaj phir dil hai

Aaj phir dil hai kuch udaas-udaas,

Jaane kyon ek maayusi-si Chaayi hai,

Aaj phir palkon me paani hai,

Bheed me hu phir kyo ye tanhaai hai.

Duniya jise neend

Duniya jise neend kahti hai,

Jaane vo kya cheez hoti hai...

Aakhen to ham bhi band karte hai,

Par vo unse milne ki tarkeeb hoti hai.

Har farz dosti ka

Har farz dosti ka ada kaun karega,

Ham na rahege to dosti kaun karega,

Mere khuda hamaari dosti ko salamat rakhna,

Varna hamaari zindagi ki dua kaun karega.

Dil me kuch bacha

Dil me kuch bacha nahi dard ke siva,

Aakhon me aata nahi koi aasoo ke siva,

Dost tu mat saath Chodna mera,

Zindagi me kuch bacha nahi teri dosti ke siva.

Lab khaamosh hai

Lab khaamosh hai aakhon se baat hoti hai,

Aise hi mohabbat ki shuruaat hoti hai,

Tere hi khyaalo me khoye rahte hai ham,

Pata nahi kab din aur kab raat hoti hai.

Is kadar gam

Is kadar gam hame luta hai,

Aasoo tak ne hamaara saath Choda hai,

Sabhi hai bedard yahaa zamaane me,

Jise dil me basaaya usi ne dil toda hai.

Sau bewafaai kabool

Sau bewafaai kabool hai ek vaphaai ke liye...

Sau aasoo kabool hai ek hasi ke liye...

Ham to mohtaaj hai aapke pyaar ke...

Hazaar dushmani kabool hai aapki dosti ke liye.

Hame apne dil

Hame apne dil me basaye rakhna,

Hamari yaado ka chirag jalaye rakhana,

Bahut lamba hai safar zindagi ka,

Ae dost, ek hissa hame bhi banaye rakhna.

Apne dil ki sun

Apne dil ki sun, afvahon se kaam na le,

Mujhe yaad rakh beshak naam na le,

Tera vaham hai ki ham bhool gaye tujhe,

Meri koi aisi shaam nahi,

Jo tera naam na le.

Safed soot par jab

Safed soot par jab laal bindi lagati ho,

Kasam se ambulance najar aati ho,

Fark itna hai vo ghayalon ko le jaati hai,

Aur aap ghaayal kar jaati ho.

Jo rahte hai dil

Jo rahte hai dil me judaa nahi hote,

Kuch ehsaas lafzo se bayaan nahi hote,

Ye hasrat hai dil me manaye unko kabhi,

Ek vo hai jo kabhi hamse khafa nahi hote.

Ham dosti ka farz

Ham dosti ka farz yu hi nibhate rahenge,

Vakt-bevakt aapko satate rahegne,

Dua karo ki umra lambi ho hamaari,

Varna yaad bankar aapko roolate rahenge.

Hamaari har khata

Hamaari har khata pe naaraz na hona,

Apni pyaari si muskarahat ko kabhi na khona,

Sukoon milta hai dekhke aapki muskurahat,

Hame maut aaye to bhi mat rona.

Kudarat ke karishmo

Kudarat ke karishmo me agar raat na hoti,

Khwaabo me bhi unase mulaakat na hoti,

Ye dil hi gam ki vajah hai,

Ye dil na hota to koi baat na hoti.

Unko pyaar karne

Unko pyaar karne ka hisaab nahi aaya,

Meri kisi bhi baat ka javaab nahi aaya,

Ham to jaagte rahe unke khyaalon me,

Aur unko sokar bhi hamaara khyaal na aaya.

Kisi bhi mod par

Kisi bhi mod par ham aapko khone nahi denge,

Juda hona bhi chaho to hone nahi denge,

Chandani raaton me aayegi hamaari yaad,

Hamaari yaad ke vo pal aapko sone nahi denge.

Sabse acha mera

Sabse acha mera yaar hai,

Uski har ek shaayari mai pyaar hai,

Aaye na agar SMS uska,

To mera mobile rakhna bekaar hai.

Dur hote hue bhi

Dur hote hue bhi dosti ka rishta nibhaate hai aap,

Na jaane kyon dil ko lubhaate hai aap,

Ye kaisa karishma hai aapka,

Jo hamko itana yaad aate hai aap.

Hitler bhi chala gaya

Hitler bhi chala gaya, saddam bhi pakada gaya,

Bin-laaden ka bhi pata nahi,

Tum bhi dikhte nahi...

Lagta hai ab dharti par,

Ache din aa gaye hai.

Teri dosti ne bahut

Teri dosti ne bahut kuch sikha diya,

Meri khamosh duniya ko jaise hasa diya,

Karjdaar hu mai us khuda ka,

Jisne mujhe aap jaise dost se mila diya...

Teri dosti me ek

Teri dosti me ek nasha hai,

Tabhi to ye saari duniya hamse khafa hai,

Na karo hamse itani dosti,

Ki dil hi hamse puchhe teri dhadkan kaha hai?

Tu dur bhi hai

Tu dur bhi hai aur paas bhi hai,

Kahi-kahi teri kami ka ahsaas bhi hai,

Dost to laakhon hai magar tu pyaara bhi hai aur khaas bhi hai.

Zindagi kaise ek

Zindagi kaise ek saja-si ho gaye hai,

Gam ke sagar me is kadar kho gayi hai,

Tum kar do ek SMS ye gujarish hai meri,

Tumhaare SMS ki aadat-si ho gayi hai.

Vo dosti hi kya

Vo dosti hi kya jisme dooriya na ho,

Vo apmaan hi kya jisme ladaai na ho,

Vo dil hi kya jisme dard na ho,

Aur vo mobile hi kya jisme hamara SMS na ho.

Gam ko bechkar

Gam ko bechkar khushi kharid lenge,

Khwaab bachakar zindagi kharid lenge,

Hoga imtihaan to dekhoge duniya,

Khud ko bechkar aapki khushi kharid lenge.

Dosti gunaah hai

Dosti gunaah hai to hone na dena,

Dosti khuda hai to khone na dena,

Karte ho dosti jab kisi se to kabhi,

Us dost ko rone na dena.

Ham mitti ke aashiyaane

Ham mitti ke aashiyaane banaate gaye,

Bana-banaakar unhe mitaate gaye,

Hame koi na apnaa bana sake,

Ham har kisi ko apnaa banate gaye.

Sahmi-sahmi nigaho

Sahmi-sahmi nigaho me khwaab ham jagaa denge,

Sooni-sooni raaho pe phool ham khilaa denge,

Aap hamaare sang muskurakar to dekho,

Aapkaa har gam ham bhula denge.

Saawan aate hi

Saawan aate hi murjhaye hue phool bhi khil jaate hai,

SMS free kya hue, aap jaise chindi chor bhi,

Shayar ban jaate hai!!!

Jeene ke lie tera

Jeene ke lie tera armaan hi kaafi hai,

Dil ki kalam se likhi ye dastaan hi kaafi hai,

Teer ki kya zarurat hai,

Katl karne ke liye teri muskaan hi kaafi hai.

Ye meri talaash

Ye meri talaash ka jurm hai ya,

Meri vafa ka kasoor hai,

Jo dil ke jitne kareeb hai,

Vo nazar se utna hi dur hai.

Zindagi kisi ki amanat

Zindagi kisi ki amanat nahi hoti,

Amaanat me kabhi khayanat nahi hoti,

Dil ko sambhalkar rakhana dost,

Meri dosti ki qaid me, zamaanat nahi hoti.

Har khafa har berukhi

Har khafa har berukhi, ko tumhari mohabbat samajhte hai,

Har narajagi, har doori ko tumhaari chahat samajhte hai,

O sanam ham to sirf tumse hi pyaar karte hai.

Aarjoo honi chaahiye

Aarjoo honi chaahiye kisi ko yaad karane ki,

Lamhe to apne aap mil jaate hai,

Vakt hona chaahiye kisi ke saath gujaarane ke liye,

Bahaane to apne aap ban jaate hai.

Aisa nahi ki aapki

Aisa nahi ki aapki yaad aati nahi,

Khata itani hai ki ham batate nahi,

Dosti aapki anmol hai hamaare liye...

Samajhate ho aap isliye jataate nahi.

Jarurat hi nahi

Jarurat hi nahi alfaaz ki,

Dosti to cheez hai bas ehsaas ki,

Paas hote to najara hi kya hota,

Door se hi khabar hai hame aapki har saans ki.

Aasmaan se badaa

Aasmaan se badaa,

Parvat se unchaa,

Samundar se gahraa hai pyaar mera,

Na aaye yakeen to cheer ke dekh lo dil ko

Likha hai jisme sirf naam tera.

Ek dua maangte

Ek dua maangte hai ham apne bhagwan se,

Chahte aapki khushiyaa poore imaan se,

Din wo bhi aaye, har hasarate poori ho aapki,

Aur muskaraaye aap poore dilojaan se.

Tum milo na milo

Tum milo na milo milne kaa gam nahi,

Tum paas nikal jaao to milne se kam nahi,

Mana ki tumhe kadra nahi hamaari,

Par unse puchho jinhe ham haasil nahi.

Hoth kah nahi sakte

Hoth kah nahi sakte jo afasaana dil ka,

Shayad nazar se vo baat ho jaye,

Is ummeed se karte hai intzaar raat ka,

Ki shaayad sapano me mulakaat ho jaaye.

Dosti gazal hai

Dosti gazal hai gungunaane ke liye,

Dosti nagma hai sunaane ke liye,

Ye jo zajba hai jo sabko milta nahi,

Kyonki hausla chaahiye dosti nibhane ke liye.

Jaam pe jaam

Jaam pe jaam peene se kya faayda,

Shaam ko pee subah utar jaayega,

Are do boond dost ki pee le,

Zindagi saari nashe me gujar jaayegi.

Shaam ke baad

Shaam ke baad milti hai raat,

Har baat me samaai hui hai teri yaad,

Bahut tanha hoti hai ye zindagi,

Agar nahi milta jo aapka saath.